{مستر ناسي همه} صورة رسالة بن باز للأسد في عام 1982

 

نعود بذاكرتنا إلى أحداث حماه عام 1982… عالم بتقول مات 10 وعالم 20 وعالم 30… وعالم 70 (ألف طبعًا)! أحداث حماه يلي غير الحموية ما بيصدقوها أو ما بيعرفو عنا شي… حتى "الحمويون الجدد" يلي أهلون ربوهن على إنو بشار كتير لذيذ وظريف وحبوب وخلص يلي صار صار… ما بيعرفوها… كلشي سمعوه هو تلاطيش حكي وتلمحيات.. هدا إذا سمعو شي! .. والصورة هذي شعار حافظ الاسد واخوه رفعت الاسد  في عام 1982 قال تعالى : " وَإِذَا قِيلَ لَهُمْ لا تُفْسِدُوا فِي الأَرْضِ قَالُوا إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَكِنْ لا يَشْعُرُونَ(12)"البقرة هلأ ليش عم احكي ع أحداث حماه؟؟ ما بعرف… بس كل ما سمعت صوت رصاصة بحماه بتذكرها (لك خلص حل عني بقا، مو إلكون… هاد رفيقي الغليظ ع المسنجر). رح احكيلكون شوي عن حماه 82، هاد جزء من يلي حكتلي ياه أمي، وأكيد بوثق بأمي أكتر من شريف شحادة يلي قال السلطات بـ82 تعاملت بشكل جيد مع الظروف في حماه! عنجد يلي حكتلي ياه أمي عم فكر أعملو فلم رعب اسمو 1982 (على نمط 1984، لرواية جورج أورويل). قالتلي أمي إنو مرت عمي كانت حامل وانضربت برصاصة ببطنها لأنو اشتبهو بإنو الولد رح يطلع إخوان (عن جد، هيك قلها الجندي)… مرت عمي نفسها يلي أهلها تركوها من الفظائع يلي صارت وراحو برا حماه!! ومرت عمي نفسها مات جوزها رشًّا مع مئات غيرو… مرت عمي يلي مشيت بالشوارع حفيانة ولما شافت جثة ميت شلحتو شحاطو -الله يكرمكون- ولبستو… مرت عمي يلي شافت كيف الجنود بيقطعو إيدين النسوان الميتات بالشوارع مشان ياخدو منون الأساور… بتعرفو لأنو أسرع من إنو يشلحوون ياهون… وأمي… يلي كانو الجنود يدخلو عبيت ما في غيرها هي وستي (لأنو ما ضل رجال وقتها، كلون رشّوون) ويوجهو ضو الكشاف على راسها بالعتمة… أمي يلي كانت تدور بالشوراع تسأل عن أهالي الكيلانية شو صار فيهو مشان تعرف وين أهلها، ويقولولها "كلون راحو، ما ضل حدا"… أمي يلي كانت ماشية بساحة كبيرة وشافت من بعيد طوابق ما عرفت شو هيه، ولما قربت عرفت إنو الطوابق هي جثث فوق بعضها مكوّمة… تخيّل معي المشهد لو ساوينا فلم شو بيعمل بالنّاس! هاد غير الجوامع يلي انقصفت والبيوت والمدارس… تخيّل إنو هي قصة بيحكيها شخص واحد فما بالك لو حكى كل شخص شو صار معو!! وبتقلي ما تلعن روحو لحافظ!!!

--

--
رسائلي
عالم من العجائب والغرائب

للأشتراك بمجموعة مستر ناسي همه
أرسل رساله فارغه على البريد التالي
 
 راسلني على بريدي
 
mr.nasyhmmh@hotmail.com
 

اذا هاجمتك الهموم من كل جانب

 فأتبع القاعده التي تقول خير وسيله للدفاع الهجوم
لذى أطلق ضحكه من أسنانك تقهر بها أحزانك

 

مستر ناسي همه

--
إن جميع الرسائل المنشورة لاتعبر عن رأى المجموعة إنما تعبر عن رأى صاحبها فقط
 
لن يتم إرسال أي رسائل تحتوي على روابط دعائيه وبعناوينها رموز مثل FW: او RE او اي رموز غيرها
 
شبكة مصدوم دوت كوم
http://www.msdoom.com/forum/
 
موقع إلكتروني متكامل يوفر لك قطع غيار سيارتك وجميع أحتياجاتك التسويقيه
 
ــــــــــــــــــــــــــــــــــــــــــــــــــ
لقد تلقيت هذه الرسالة لأنك عضو مشترك في مجموعات Google ‏ مجموعة"مستر ناسي همه".
لتقوم بارسال رسائل لهذه المجموعة ، قم بارسال بريد الكتروني إلى ‏AL3LA@googlegroups.com‏
للإشتراك في مجموعة مستر ناسي همه ، ارسل رسالة الى AL3LA-subscribe@googlegroups.com
لخيارات أكثر ، الرجاء زيارة المجموعة على http://groups.google.com/group/AL3LA?hl=ar?hl=ar